“Shiu i raketave” në Ukrainë, shteti fqinj mbetet pa energji

Moldavia ka mbetur pa energji elektrike për shkak të sulmeve masive me raketa ruse në Ukrainë, raportojnë mediet vendase.

Sipas informacioneve të medieve në fjalë, linja kryesore që që furnizon Moldavinë me energji elektrike përmes Rumanisë është mbyllur për shkak të dëmtimeve nga raketat ruse.

Ndërprerjet e energjisë elektrike kanën ndodhur në qytete Cahul, Soroka, Ungeni, Yendinet, Candemir, Anneni Noi, Rezina dhe disa zona të kryeqytetit Kishinau.

Gazetarët theksojnë se në të gjithë vendin mund të ketë ndërprerje të energjisë dhe rënie të tensionit. Në të njëjtën kohë, banorëve u kërkohet të fikin pajisjet elektrike.