Policia e Tiranës ka shoqëruar në komisariat një shofere 46-vjeçare. Ajo u filmua të martën duke dhunuar një këmbësor. E gjithë skena ndodhi te vijat e bardha. Uniformat blu njoftojnë se pas publikimit të pamjeve filmike, u lokalizua automjeti dhe ka shoqëruar B. R., 46 vjeçe.
Në vijim të veprimeve u bllokua automjetit tip “Benz”, ndërsa për drejtuesen e automjetit u vendos masa administrative, për mosdhënie përparësie këmbësorëve. Në videon e publikuar ditën e djeshme, drejtuesja e mjetit jo vetëm që nuk i dha përparësi zotërisë që po kalonte vijat e bardha, por edhe shihet duke e dhunuar.
Reagim i Drejtorisë Vendore të Policisë Tiranë
Në lidhje me një video të postuar në portale, në të cilën shfaqet një shtetase që ka ndaluar automjetin në vija të bardha dhe nuk respekton rregullat e qarkullimit rrugor (mosdhënie përparësie këmbësorëve), ju sqarojmë se:
Shërbimet e Policisë, menjëherë pas publikimit të pamjeve filmike, organizuan punën për identifikimin e drejtueses së automjetit që shfaqet në video. Specialistët e Qarkullimit Rrugor kanë lokalizuar automjetin dhe kanë shoqëruar drejtuesen e tij, shtetases B. R., 46 vjeçe.
Në vijim të veprimeve u bë bllokimi i automjetit tip “Benz”, ndërsa për drejtuesen e automjetit u vendos masa administrative. Në bazë të Kodit Rrugor, për mosdhënie përparësie këmbësorëve.
Drejtoria Vendore e Policisë Tiranë falënderon mediat dhe qytetarët që denoncojnë rastet e paligjshmërisë. Dhe i fton sërish ata që të denoncojnë çdo rast paligjshmërie, në Komisariatin Dixhital dhe në numrin 112, duke iu garantuar anonimat të plotë dhe reagim të menjëhershëm e të paanshëm.
Discussion about this post