Prokuroria e Posaçme ka lëshuar 11 urdhër arreste për aferën e inceneratorëve, konkretisht për inceneratorin e Fierit.
Mësohet se 5 persona kanë rënë në pranga deri tani, ndërsa për 6 të tjerë ka informacion që ndodhen jashtë territorit shqiptar dhe janë në kërkim.
Lexo edhe: Tjetër paralajmërim për drogë në Portin e Durrësit
Operacioni është në vijim e sipër dhe janë duke u kontrolluar disa banesa. Kujtojmë se në burg për inceneratorin e Fierit ka përfunduar ish deputeti socialist Alqi Bllako.
Ai u arrestua më 31 mars 2022, me urdhër të SPAK, pasi akuzohet se në kohën kur postin e sekretarit të Përgjithshëm të Ministrisë së Mjedisit, në bashkëpunim me ish-ministrin Lefter Koka dhe ish-kryetarin e Komisionit të Shpronësimit Pëllumb Abeshi, ata kanë falsifikuar dokumentin në lidhje me sipërfaqen e tokës ku u ndërtua inceneratori i Fierit duke i shkaktuar dëm buxhetit të shtetit.
Discussion about this post