Boçi kërkon fjalën pas Ballukut, nuk e lë kryetari:Të nxjerr jashtë

Mbledhja e sotme e Komisionit për Veprimtarinë Prodhuese është shoqëruar me debate. Konkretisht, deputeti i Partisë Demokratike Luçiano Boçi ka kërkuar fjalën për procedura. Ai synoi të fliste për projektin e Durrësit, por është kundërshtuar nga kryetari Arben Pëllumbi.

Lexo edhe: Balluku mbron aferën e Portit të Durrësit, nervozohet deputeti i PD

Pjesë nga debati:

Balluku: Ju i dini sesi është bërë kjo kontratë dhe e dini sa transparente është. E dini që e ka ngritur në një nivel tjetër. Dua t’ju flas për veton e shtetit shqiptar se është e rëndësishme.
Ndërhyn Agron Duka…

Arben Pëllumbi: Ju lutem të vazhdojë ministrja se njëri-tjetrin e kemi dëgjuar boll

Balluku: Ka të drejtën e vetos në vendimmarrje, borxh për të siguruar suksesin e projektit.

-Boçi kërkon fjalën për procedurë

Arben Pëllumbi: E kemi të qartë procedurën, po ç’do na tregosh? Të bësh politikë? Jo nuk ta jap e ka relatori.

Boçi: Më lër të shpjegohem. Nuk është normale kjo. Po jeni gabim pra

Arben Pëllumbi: Po na lër tani.

Boçi: Por procedurë pra se nuk të lejoj fare që të mos nisësh fjalën për procedurë…Po pse ç’do më bësh?

Arben Pëllumbi: Të nxjerr jashtë dhe e shikon ti pastaj…

Boçi: Pa provoje njëherë