Një histori e pazakontë është ajo që vjen nga Shtetet e Bashkuara të Amerikës. Protagonist është një djalë 10-vjeçar. Ai është treguar shumë i zgjuar dhe i shkathët kur një grua po e ndiqte nga shkolla për në shtëpi. Vogëlushi hyri në një dyqan dhe i kërkoi arkëtares që të bënte sikur ishte nëna e tij.
Mediat e huaja kanë publikuar videon e këtij momenti dhe shfaqet një grua duke ecur së bashku me nxënësin e klasës së katërt, Sammy Green, teksa ai po bënte rrugën e tij përgjatë trotuarit.
I mituri hyri më pas në dyqanin e tij të preferuar të lagjes në Pottstown, Pensilvan, “Dani Bee Funky”. Nga ana tjetër, gruaja vijonte që të qëndronte jashtë, ndërsa Sammy u drejtua për në banak dhe i tha diçka Hannah Daniels.
Babai i 10-vjeçarit, Sam Green, i tha WPVI-së se djali i tij i kërkoi Daniels të “vepronte sikur je nëna ime” sepse “kjo zonjë po më ndjek”.
Arkëtarja adoleshente veproi shpejt dhe u vu mes Sammy-t dhe gruas, e cila ende e mbante derën hapur. Pasi gruaja e dyshuar si rrëmbyese fëmijësh u largua, i mituri u largua me qetësi.
Duke folur për incidentin e tmerrshëm, babai i Sammy-t tha se ai u trondit deri në palcë pasi pa pamjet e djalit të tij që po ndiqej.
“Kur po shikonim atë video, qaja sa herë që e shihja”, tha ai.
Ndërsa Sammy i tha”CBS Philadelphia” se po kthehej në shtëpi nga shkolla përmes rrugës së mesme lokale, kur gruaja filloi ta ndiqte dhe t’i ofronte t’i blinte ushqim.
“Ajo më thoshte ‘unë do të shkoj në Wawa, a do të shkosh atje? Ku është familja jote’”, tregon 10-vjeçari, i cili ka shtuar se nuk e kishte parë kurrë atë grua më parë.
Sammy tha se gruaja në fjalë pretendonte se e njihte familjen e tij dhe i kishte thënë se duhej të ikte me të. Kur pa dyqanin në qoshe pranë shtëpisë së tij, veproi shpejt dhe hyri brenda.
CBS raportoi se Departamenti i Policisë në Pottstoën e gjeti gruan gjatë fundjavës dhe ajo është referuar për ndihmë për shëndetin mendor. Ndërkohë Sammy tani ka një mik të familjes që e çon në shtëpi nga shkolla pas frikës.
Discussion about this post