Fjolla Morina është në arrati, por kjo nuk e ka penguar këngëtaren që të shoqërojë të bijën, Ledianën, në mbrëmjen e saj të maturës.
Nënë e bijë nuk kanë nguruar të ndajnë disa foto e video në rrjetet e tyre sociale, për t’i treguar të gjithëve se çfarë po ndodh në këtë ditë të rëndësishme dhe të bukur për vajzën e artistes.
Prej muajsh, këngëtarja po kërkohet nga policia, por në një video të publikuar në Instagram, Fjolla shihet në makinë me Ledianën duke kënduar dhe duke shtrënguar duart me njëra-tjetrën. Në muajin mars, Morina u dënua nga Gjykata e Kukësit me gjashtë vite burg për veprën penale të “Trafikut të armëve dhe municionit”. Më 19 shtator të vitit që lamë pas, këngëtarja Fjolla Morina u arrestua në Pikën e Kalimit Kufitar të Morinës në Kukës, bashkë me një biznesmen kosovar dhe shoferin e saj. Ata u kapën me armë zjarri brenda makinës, ndërkohë që Fjolla tha se pistoleta i përkiste dikujt tjetër dhe ajo nuk e dinte që e kishte në çantë.
Që pas arratisjes nga shtëpia ku po vuante dënimin në Kukës, Fjolla ka qenë në arrati, e gjatë kësaj periudhe ajo ka udhëtuar jashtë vendit për të shijuar disa muaj pushime. Për më tepër. Ajo kurorëzoi me martesë dashurinë me Fisnik Sylën në Maldive dhe më pas u rikthye në Kosovë.
