Një rast tronditës i përdhunimit të një të miture u zbulua një ditë më parë në Tiranë. Një 11-vjeçare ishte abuzuar seksualisht nga shoku i ngushtë i babait të saj.
Në emisionin “Shqipëria LIVE” babai ka treguar momentin kur zbuloi se vajza e tij ishte përdhunuar nga Astrit Terolli, personi të cilit i ishte besuar të kujdesej për të miturën, gjatë kohës kur prindërit e saj ishin në spital pasi kujdeseshin për motrën e saj.
“E mbaja me buke, me lekë, ai rrinte këtu në Tiranë. Ne e kishim lënë vajzën te ai. Kur vij në shtëpi shoh vajzën duke qarë.
Më doli gjak më tha, thashë se mos ishte prerë por s’kishte gjë nga duart. E pashë pastaj, thashë i kanë ardhur ato, por më tha gruaja është vetëm 11 vjeç ç’ne ato. Pastaj ikëm nga aty.
Shkova në lokal të pija kafe unë, dhe kthehem pastaj në shtëpi, e shikoj nusen kishte fytyrë të tjetër. Ja kishte thënë vajza të gjitha. Pyes vajzën çfarë ka ndodhur, më tha vajza të ti thotë mami i të gjitha. Pyes nusen më tha kështu, kështu.
Aty nuk e di e humba. Mora policinë. E morën psikologët në pyetje vajzën dhe shefi i komisariatit. Tani vajza është mirë, është me mua”, ka treguar babai.
Ndërsa vetë vajza ka treguar se kjo ishte hera e parë që abuzohej seksualisht nga Astrit Terolli, teksa ky i fundit pasi kreu aktin e kishte kërcënuar të voglën.
“Jo vetëm një herë më ka ngacmuar është hera e parë. Ai më kërcënoi, më tha po u tregove prindërve do t’i vras të gjithë”, tha e mitura.
Discussion about this post