Dhunuan ish-shefin e komisariatit në Dibër, dy persona nën hetim

Policia e Shtetit ka vënë nën hetim dy persona. Ata akuzohen se kanë dhunuar një ditë më parë ish-shefin e Komisariatit në Dibër, Robert Aga.

Uniformat blu bëjnë me dije se janë proceduar në gjendje të lirë Bekim Agolli 30 vjeç dhe Robert Murrja 40 vjeç, banues në Dibër.

“Specialistët për Hetimin e Krimit në Komisariatin e Policisë Dibër, referuan materialet në Prokurorinë e Rrethit Gjyqësor Dibër për veprën penale “Plagosje e lehtë me dashje”,  për  shtetasit B.A., 30 vjeç; R.M., 40 vjeç, banues në Dibër.

Këta shtetas me datë 17.11.2022, rreth orës 12.⁰⁰,  në qytetin e Peshkopisë , për motive të dobëta kanë goditur me grusht shtetasin R.A., 59 vjeç, banues në Tiranë. Materialet i kaluan Prokurorisë për veprime të mëtejshme”, thuhet në njoftimin e policisë.