Me vendim të Gjykatës së Tiranës, poetja Mimoza Ahmeti u dënua për ndërtim pa leje. Veprimi që e “mori në qafë” ishte rindërtimi i shtëpisë nga tërmeti në të njëjtin vend ku e kishte patur në fshatin Petrelë. Ndërkohë vajza e artistes, Eir Plasari ka komentuar këtë vendim të gjykatës.
E ftuar në “Euronews Albania” , ajo falenderoi kryeministrin Edi Rama për ndërhyrjen duke e cilësuar si gentleman.
“Situata nuk ka qenë shumë e bukur, por janë gjëra që ndodhin. Për çështje burokratike jemi gjendur në një situatë jo të bukur. E falenderoj Ramën për reagimin, është treguar një xhentëllmen”, tha Plasari.
Për dënimin e Ahmetit, reagoi kryeministri Edi Rama duke kritikuar ashpër Prokurorinë që siç tha, pas një këngëtari, duke iu referuar Bojken Lakos, dënon me zell një poete, në vend të merret me miliona dollarë ndërtime të paligjshme.
Poetja Mimoza Ahmeti është dënuar me kërkesë të Prokurorisë së Tiranës për ndërtim të paligjshëm. Pa marrë parasysh faktin që banesa e poetes ishte dëmtuar nga tërmeti, gjykata urdhëroi që Mimoza Ahmeti të kryejë punë me interes publik për 40 orë. Në bankën e të akuzuarve në Gjykatën e Tiranës, Ahmeti tha se shtëpia që kishte në Petrelë iu dëmtua nga tërmeti dhe se në këto kushte ajo u duhet të ndërtonte një banesë të re.
Discussion about this post