Kryetari i PD, Sali Berisha propozoi 6 dhjetorin si datë për protestën e radhës, ditë kjo që përkon me ardhjen në Tiranë të liderëve të BE-së në kuadër të samitit me vendet e Ballkanit Perëndimor.
Berisha theksoi se protestën ata duhet ta shikojmë si mikpritje ndaj atyre. Sipas Berishës, Rama çdo ditë e më shumë po e turpëron Shqipërinë në arenën ndërkombëtare, ndërsa shtoi se sot bota na njeh i si “popull gomonesh”.
“PD i mbetet të vazhdojë me gjithë fuqinë e saj e mbështetjen e popullit opozitar protestat e veta. Beteja e PD, është betejë për ekzistencën e demokracisë në Shqipëri. Kur të gjitha institucionet kontrollohen e përfundojnë në duart e një partie, kjo në gjithë përcaktimet është diktaturë e një partie. Protesta e 12 nëntorit, duhet të vazhdohet me protesta të tjera, data 6 dhjetor mendoj unë është një rast historik që populli opozitar të ngrejë zërin e tij para përfaqësuesve më të lartë para gjithë botës. E konsiderojmë të veçantë ardhjen e liderëve të BE. Ta marrin këtë akt si mikpritjeje ndaj tyre dhe armiqësor dhe flagrante të hapur, ndaj Edi Ramës, i cili me aferë të tij turpëron çdo qytetar, pluralizmin, lirinë, transparencën dhe çdo gjë tjetër, unë këtë propozim kisha sot”, tha Berisha.
Discussion about this post