Emri i parë i Metës, Lefter Maliqi garon në Primaret e PD

Kandidati i parë i Partisë së Lirisë që do të marrë pjesë në Primaret e PD do të jetë Lefter Maliqi. Ai do të garojë për Bashkinë e Kuçovës.

Lajmin e ka konfirmuar vetë Maliqi me anë të një mesazhi në rrjetet sociale. Ai thotë se është mbështetur nga kreu i Partisë së Lirisë, Ilir Meta.

Lexo edhe: Tërhiqet Subashi, Hoxha kandidati zyrtar i PD për Vorën

“Zyrtarisht kandidat në primare për Kryetar Bashkie në Kuçovë! Mirënjohje Kryetarit të Partisë së Lirisë Z. Ilir Meta për mbështetjen,Kryesisë së Partisë Demokratike dhe Doktor Berishës për miratimin e emrit. Ftoj demokratët, opozitën e bashkuar dhe simpatizantët e saj më datë 04 Dhjetor në votim të lirë dhe demokratik.

Sfida jonë e përbashkët është  data 14 Maj; fitorja në Bashkinë  Kuçovë. Kthimi i besimit dhe i shpresës për të ndryshuar Bashkinë, e cila i përket qytetarëve pa dallim politik dho jo Kryetarit. Fitore!,”- theksoi Maliqi.

Ai garon në Primare me kandidaturën e propozuar nga Partia Demokratike, Brikena Koroveshi.