Një foto historike që paraqet dy futbollistët më të mëdhenj në botë të 20 viteve të fundit, po bën me shpejtësi xhiron e rrjetit.
Bëhet fjalë për Cristiano Ronaldo dhe Lionel Messi! Dy rivalët e përjetshëm janë shfaqur së bashku në foto, një ditë para fillimit të Kupës së Botës, të ulur dhe duke “luajtur” shah.
Marka e njohur e modës “Louis Vuitton” mendoi të bashkonte dy super kampionët, të cilët i përjetësuan të dy përballë njëri-tjetrit gjatë një loje shahu të luajtur në një valixhe me markën e LV.
Kjo ishte e mjaftueshme për të dërguar qindra miliona fansa në ekstazë, pavarësisht nëse ata ishin fansa të njërit apo tjetrit futbollist.
Foto, e cila tashmë është bërë virale është postuar në llogarinë e Instagramit të futbollistit Cristiano Ronaldo.
Discussion about this post