Gustavo Alfaro, trajneri i Ekuadorit, gëzohet pas fitores në ndeshjen hapëse të Kupës së Botës kundër organizatorëve, Katar dhe në radhë të parë i qetëson të gjithë për gjendjen e Enner Valencias, protagonistit absolut dhe autor të dy golave në fitoren 0-2, i cili pësoi një dëmtim.
“Enner do luajë kundër Holandës, nuk ka dyshim për këtë. Po komentoj një fitore të madhe, si gjithmonë në ndeshjen hapëse të Botërorit ndjen presion dhe tension.
Gjëja më e rëndësishme për ne ishte të fitonim, luajtëm ashtu siç donim. Nuk jam plotësisht i kënaqur, por jam akoma më i qetë pasi ekipi ka bërë atë që duhet.
Megjithatë, disa gjëra duhet të përmirësohen nëse duam për të kaluar grupin”-tha Alfaro.
Discussion about this post