Dy të huaj, një 23-vjeçar egjiptian dhe një shqiptar 34-vjeçar, janë arrestuar të shtunën mbrëma në Omonia, për veprat penale të dhunës ndaj punonjësve, mosbindje, dhunim sipas rastit të ligjit të armëve dhe pranimit dhe asgjësimit të produkteve të veprës penale.
Sipas mediave greke, në veçanti, punonjësit e policisë së ekipit të DIAS-it, duke patrulluar në zonën e Omonias, kanë pikasur të pandehurit të hipnin në një makinë të parkuar që ishte shpallur e vjedhur.
Policia i ka kërkuar të dalin nga automjeti, ku 23-vjeçari ka hedhur në tokë një kaçavidë teksa ka dalë, ndërsa 34-vjeçari shqiptar ka ndezur makinën dhe ka tentuar të përplasë policinë.
Një nga policët ka hipur në mjetin që ishte në lëvizje dhe ka mundur të ndalojë si makinën, duke hequr çelësat nga ndezja, ashtu edhe 34-vjeçarin që ka tentuar në çdo mënyrë të shmangë arrestimin e tij.
Të arrestuarit për çështjen e ngritur ndaj tyre nga Departamenti i Sigurimit të Omonias, u dërguan në Prokurorinë Penale të Athinës.
Discussion about this post