Isuf Koçi, 38 vjeç, banues në Hardhishtë, Shijak dhe Lulzim Kani, 47 vjeç, banues në fshatin Halil, Krujë, janë arrestuar në flagrancë nga Policia e Durrësit pas kontrolleve të befasishme të bëra nga kjo e fundit për goditjen e veprimtarisë kriminale në fushën e kultivimit të bimëve narkotike.
Specialistët për Hetimin e Krimeve në Komisariatin e Policisë Shijak, me anë të informacioneve të marra në rrugë operative kanë bërë të mundur arrestimin në flagrancë të Isuf Koçit. Bëhet e ditur se 38-vjeçari e kishte kthyer banesën e tij enkas për kultivimin e bimëve narkotike. Gjatë kontrollit të ushtruar nga shërbimet e Policisë, u konstatua se kishte përshtatur banesën e tij me aparatura që shërbejnë për kultivimin e bimëve narkotike. Në cilësinë e provës materiale u sekuestruan fidanë narkotikë cannabis sativa dhe pajisje që shërbenin për kultivim.
Ndërkohë, shërbimet e Komisariatit të Policisë Krujë kanë bërë te mundur arrestimin e Lulzim Kanit gjatë një kontrolli rutinë në territorre me basnesa të braktisura në zonë. Gjatë kontrollit të banesës në oborrin e banesës u gjetën fidanë cannabis sativa, në tentativë për kultivim. Kanit i ishte dhënë masa e sigurisë “Arrest në shtëpi”, për veprën penale “Kultivimi i bimëve narkotike”pasi në 23.06.2021 gjatë kontrollit në pronën e tij u gjetën të kultivuar fidanë të cannabis sativa.
Njoftim i Policisë Durrës :
Vijojnë kontrollet nga strukturat e Drejtorisë Vendore të Policisë Durrës dhe të Komisariateve në varësi, për goditjen e veprimtarisë kriminale në fushën e kultivimit të bimëve narkotike. Shijak/Përshtati banesën e tij për kultivimin e bimëve narkotike, arrestohet në flagrancë. Krujë/Arrestohet në flagrancë 1 shtetas, pasi gjatë kontrollit në oborrin e banesës së tij u gjetën fidanë cannabis sativa, në tentativë për kultivim. Ky shtetas ishte me masë sigurie “Arrest në shtëpi”, për veprën penale “Kultivimi i bimëve narkotike”.
Në vijim të kontrolleve të pandërprera, gjatë punës për parandalimin e kultivimit të bimëve narkotike, në bazë të informacioneve të marra në rrugë operative, specialistët për Hetimin e Krimeve në Komisariatin e Policisë Shijak arrestuan në flagrancë shtetasin I. K., 38 vjeç, banues në Hardhishtë, Shijak. Arrestimi i këtij shtetasi u bë pasi gjatë kontrollit të ushtruar nga shërbimet e Policisë, u konstatua se kishte përshtatur banesën e tij me aparatura që shërbejnë për kultivimin e bimëve narkotike. Në cilësinë e provës materiale u sekuestruan fidanë narkotikë cannabis sativa dhe pajisje që shërbenin për kultivim. Ndërkohë, shërbimet e Komisariatit të Policisë Krujë, gjatë kontrolleve në territor, në sipërfaqe të pyllëzuara, banesa të braktisura nga pronarët dhe ish-reparte ushtarake, kanë evidentuar dhe goditur një tjetër rast të tentativës për kultivimin e bimëve narkotike.
Si rezultat i kontrolleve, në fshatin Halil, Krujë, në oborrin e banesës së shtetasit L. K., u gjetën dhe u sekuestruan fidanë cannabis sativa. Në vijim të veprimeve, nga specialistët e Komisariatit të Policisë Krujë u arrestua në flagrancë shtetasi L. K., 47 vjeç, banues në fshatin Halil, Krujë. Këtij shtetasi, Gjykata i kishte caktuar masën e sigurisë “Arrest në shtëpi”, pasi më datë 23.06.2021, është ndaluar me iniciativë nga shërbimet e Policisë Krujë, sepse gjatë kontrollit në pronën e tij u gjetën të kultivuar fidanë të dyshuar cannabis sativa. Materialet i kaluan Prokurorisë së Rrethit Gjyqësor Durrës dhe Prokurorisë së Rrethit Gjyqësor Krujë, për veprime të mëtejshme.
