Kokaina në Fier/ Zbardhen emrat e pesë të arrestuarve

Një sasi e madhe kokaine është sekuestruar në një aksion madh të policisë malazeze dhe asaj shqiptare, si dhe DEA-s amerikane.

Nga 15 të arrestuarit, pjesë e këtij grupi janë edhe 4 të rinjtë që u kapën sot në Tiranë me pistoleta dhe kallashnikov.

Ata janë identifikuar si Bledar Matoshi, 33 vjeç, i dënuar më parë për armëmbajtje pa leje; Kid Koshena, 28 vjeç, i dënuar më parë për plagosje të rëndë; Klajdi Vrioni (Kodra), 32 vjeç, i dënuar më parë për armëmbajtje pa leje dhe për plagosje të rëndë dhe Redion Meshi, 22 vjeç, i cili drejtonte automjetin ku u gjetën armët.

Në pranga është vënë po ashtu Viktor Çervenakut, ish-kryetari i njësisë administrative Frakull, i cili është pjesë e Partisë Socialiste dhe sikundër raportohet, punon në Bashkinë e Tiranës, e drejtuar nga Erion Veliaj në një post drejtues.

Dy nga personat e tjerë që janë arrestuar janë dy kolumbianë, të cilët dyshohet se merreshin me përpunimin e kokainës që u gjet në banesën e Çervenakut.