Prokurori i SPAK Adnan Xholi, ka dhënë detaje në lidhje me operacionin e finalizuar mbrëmjen e të enjtes, ku u zbulua laboratori i përpunimit të kokainës që vinte nga Kolumbia, me porositës shtetas shqiptar.
Mes plehut artificial të ngarkuar nga Kolumbia, dyshohet se ndodhej një sasi prej 430 kg kokainë e cila kap vlerën 40 milionë euro. Ndërsa nga 11 urdhërarrestet, 10 persona janë vënë në pranga deri më tani, ndërsa një është në kërkim.
Lexo edhe: Koronavirusi rikthehet në origjinë, shpërthime të reja në Kinë
“SPAK ka regjistruar që në fund të korrikut procedimin për trafik lënde narkotike, në kuadër të grupit të strukturuar kriminal. Me strukturat e policisë BKH dhe disa agjenci të huaja ndërkombëtare dhe me autoritetet malazeze. Sipas informacioneve paraprake kishte të dhëna që në maj 2022 në portin e Kolumbisë ishte ngarkuar një sasi me pleh organik artificial me destinacion Pireun e Greqisë, tranzit portin e Malit të Zi me porositës shtetas shqiptarë, është aplikuar metoda me dorëzim të kontrolluar.
Nga verifikimi i autoriteteve shqiptare porositësi ishte një shtetas shqiptar që në fillim të 2022 kishte hap aktivitet në Shqipëri ndër të cilat dhe importi i plehrave kimik e mallra të tjera.
Pasi sasia me pleh është dërguar në territorin shqiptar në shtator 2022, është bërë zhdoganimi transporti zhvendosja e ngarkesës në disa qytete deri dje që është bërë kontrolli e sekuestrimi në Farkë të madhe në Fier.
Për interesa të këtij procedimi, u pa e udhës të mos ndaleshin vetëm tek porositësi por dhe bashkëpunëtorët organizatorët e financuesit e interesuar për këtë lëndë narkotike.
Nga Gjykata janë pranuar kërkesat për arrestimin e 11 personave dhe kontrollin e 14 ambienteve të ndryshme. Nga policia 10 masa sigurimi deri tani e janë ekzekutuar të gjitha masat për kontrollet e banesave.
Janë sekuestruar 15910 euro, 3 automatikë, tre pistoleta, fishekë, 18 telefona, automjete, laptopë, 24 ton pleh artificial brenda të cilës një sasi lënde kokainë prej 430 kg e cila referuar shitjes me pakicë kap vlerën 40 milionë euro”, u shpreh Prokurori në konferencën për mediat.
Discussion about this post