Kreu i Partisë Demokratike, Lulzim Basha ka reaguar pas votimit në Kuvend për kreun e ri të AMA-s.
Përmes një postimi të ndarë në ‘Twitter’ Basha shkruan se kryeministri Rama po vepron kundër kërkesës së BE dhe OSBE që votimi i kryetarit të bëhet në shtator. Basha shton se ky veprim është në dëmin e të gjithëve .
Reagimi i Lulzim Bashës:
“E ka fajin Europa” llomotit poshtë e lart, për të fshehur dështimin e tij dhe pengimin e Shqipërisë. Por sapo të jap një shans për të vepruar në shërbim të interesave të vendit, sikurse kërkohet BE dhe OSBE, zgjedhja e bërë të kundërtën, duke hedhur poshtë thirrjen e partnerëve për të shtyrë në shtator votimin për AMA. Kjo nuk është forcë, po harbutëri në dëm të të gjithë shqiptarëve dhe të Shqipërisë.
Reagimi i kreut të PD vjen pasi, ditën e sotme, Delegacioni i Bashkimit Europian në Tiranë ka kërkuar që zgjedhja e kryetarit të AMA-s, të shtyhet për në muajin shtator në legjislaturën e ardhshme dhe i ka bërë thirrje maxhorancës që të garantojë një proces gjithëpërfshirës për zgjedhjen e emërimin. Pavarësisht kërkesës së delegacioni i Bashkimit Europian, Balla tha se emri për postin e kryetarit të AMA-s do të zgjidhet sot. Më herët. PD ka denoncuar se për të drejtuar AMA-n është zgjedhur Armela Krasniqi, pasi ishte zëdhënësja e kryesocialistit Edi Rama.
