Tragjedi në Brazil, adoleshenti vret 3 persona në një shkollë

Tre persona u vranë dhe të paktën 8 u plagosën të premten kur një person me armë zjarri hapi zjarr në dy shkolla në Espirito Santo.

Sulmet ndodhën rreth orës 10 të mëngjesit me orën lokale në qytetin e vogël të Aracruz, që ndodhet rreth 80 kilometra në veri të Vitorias.

Zyrtarët thanë se një adoleshent i paidentifikuar me veshje ushtarake kishte hapur zjarr në dy shkolla, një private dhe një publike, dhe ishte ende i zhdukur në pasdite.

Policia lokale tha se fillimisht dyshoi se sulmuesi ishte një nxënës në një nga shkollat ​​e sulmuara, por kreu i sigurisë publike të Espirito Santo, Marcio Celante, u tha gazetarëve se ky detaj ende nuk ishte konfirmuar. Guvernatori i Espirito Santo, Renato Casagrande shprehu ngushëllimet e tij për familjet e viktimave dhe tha se të gjitha forcat lokale të sigurisë ishin angazhuar në hetim.

Ndërsa presidenti i sapozgjedhur Luiz Inacio Lula da Silva e quajti atë një “tragjedi absurde”./ Reuters