Kryetari i PD, Sali Berisha ka paralajmëruar se nëse opozita vjen në pushtet, projekti në Sheshin e Flamurit në Vlorë do të zhbëhet.
Gjatë një bashkëbisedimi me qytetarët në Facebook, Berisha deklaroi se Sheshi i Flamur do të përdhoset nga një njëri pa dinjitet, referuar këtu Ramës.
Lexo edhe: “Pse nuk e përjashtoni Alibeajn”? Berisha sulmon sërish Bashën
“Disa herë e kam denoncuar përçudnimin e Sheshit të Flamurit, ndërtimin aty do më falni të një strukture betoni e cila përveç funksioneve për nevoja personale të qytetarëve nuk mund të ketë asnjë funksion tjetër e po përdoret gjerësisht si e tillë.
Ti ndërtosh një meganevojtore Sheshit të Flamurit, të përdhosësh shesh e flamur nga një njeri që s’ka as flamur as nder as dinjitet. Sheshi i flamurit ishte kryesheshi historik i kombit.
Çdo gjë do prishet, gjithçka do rikthehet në identitetin e tij. Kjo që bëri Rama me Sheshin e Flamurit, akt armiqësor ndaj historisë, ai shesh nuk prekej, mirëmbahej, meremetohej por ky asgjë shqiptare nuk gjen në qenien e tij”, tha Berisha.
Discussion about this post