Ish-kryeministri Sali Berisha ka treguar hapat që do të ndërmarrë për të ndaluar realizimin e projektit për Portin e Durrësit, të cilën opozita e konsideron si aferë korruptive.
Berisha theksoi se do ngrihet Komision Hetimor dhe do përdoren të gjitha format e mosbindjes civile teksa u kërkoi qytetarëve dhe kompanive të ndërtimit të mos joshen për të ndërtuar aty.
“Është problem ndër më madhorët. Hapat, kemi dërguar në Gjykatë Kushtetuese, do ngrihet Komision parlamentar, do qëndrojmë me mosbindje civile, iu bëj thirrje kompanive të ndërtimeve dhe qytetarëve të qëndrojnë larg këtij porti që Rama dëshiron ta shndërrojë në megaaferë. Mos u joshni për të ndërtuar në këtë shesh”, tha Berisha.
Discussion about this post