Australia ka fituar 1-0 ndaj Tunizisë në Kampionatin Botëror në kuadër të Grupit D. Pas vetëm 23 minutash lojë, australianët kaluan në epërsi me golin e Mitchell Duke, që u asistua prej Craig Goodëin.
Tunizia më pas mori kontrollin e ndeshjes, ku rrezikuan me anë të Mohamed Drager, mirëpo goditja e tij u bllokua nga mbrojtja kundërshtare.
Youssef Msakni i Tunizisë më pas pati një rast të mirë në minutën e 45+3-të, pasi nuk e shfrytëzoi një pasim nga Issam Jebail, me topin që përfundoi jashtë.
Lexo edhe: Sfida në Katar, publikohen formacionet zyrtare Tunizi-Australi
Në pjesën e dytë, tunizianët vazhduan me paraqitje të mirë, mirëpo u mungoi konkretizimi i rasteve. Duke vazhduar me presion të lartë ndaj Australisë, Tunizia e kërkoi me ngulm së paku barazimin e rezultatit, por nuk ia doli.
Australia ka barazuar me pikë liderin, Francën, me nga tri pikë, por që Gjelat do të takohen me Danimarkën (që ka një pikë) dhe në rast të fitores do ta kalonin grupin, ndërsa Tunizia që ka po ashtu një pikë, në ndeshjen e fundit do të ketë punë me kampionin në fuqi.
Discussion about this post