Sfida mes Kamerunit dhe Serbisë ka sjellë shumë surpriza. Dy ekipet po përballen në grupin G të Kupës së Botës. Të dyja kombëtaret humbën në debutimin e tyre në “katar 2022”. Skuadra afrikane u mund 1-0 nga Zvicra, ndërsa Milinkovic -Savic dhe shokët e tij përfunduan të likujduar 2-0 kundër Brazilit.
Ekziston vetëm një precedent midis “luanëve të paepur” të Song dhe kombëtares së Stojkovic: ndeshja miqësore e vitit 2010 në Beograd, e fituar nga Serbia 4-3. Në këtë grup bëjnë pjesë edhe Brazili e Zvicra, që do të përballen sot direkt për kreun në orën 17:00.
Vlahovic vazhdon ende në stolin e Serbisë, siç ka ndodhur tashmë ndaj Brazilit, ndërsa Kostic më në fund është startues, pas rikuperimit nga një problem muskulor. Po luan edhe Sergej Milinkoviç-Savic i Lazio, i cili po përballet me dhimbjet e kyçit të këmbës.
Te Kameruni, 29-vjeçari Epassy, portieri i Abha Arabs, zëvendëson Onanën e pezulluar për arsye disiplinore nga trajneri Song. Në mesfushë është napolitani Anguissa, ndërsa qendërsulmues është Choupo-Moting i Bayern Munich.
Kronologjia e lojës:
11’ – Serbia një hap larg portës. Frymëzimi vjen nga Mitrovic, i cili driblon Nkoulou dhe gjuan një goditje diagonale në shtyllë.
17’ – Mitrovic, çfarë gabimi! Rrëmujë mbrojtëse e Kamerunit në zonë, përfiton Mitrovic, që me topin në këmbë, pak metra larg portierit kundërshtar, gjuan jashtëzakonisht keq me të djathtën.
19’ – Rasti i parë i Kamerunit, që bëhet i rrezikshëm. Diagonale nga Kunde dhe devijim për në këndore nga Vanja Milinkovic-Savic.
29’ – Kameruni kalon në epërsi. Goditje nga këndi, gjuan me kokë dhe tund rrjetën Castelletto nga disa hapa larg.
Kamerun-Serbi 1-0, Jean-Charles Castelletto zhbllokon shifrat në 29′
39’ – Reagimi i Serbisë vjen me gjuajtjen e Tadic në përfundim të një aksioni të rrjedhshëm. Megjithatë, flamuri i linjës ngrihet lart për të sinjalizuar pozicion jashtë loje.
Kamerun-Serbi 1-1, Strahinja Pavlovic barazon shifrat në 45+1′
45’+1′ – Barazon Serbia. Goditje e lirë nga Tadiç drejt zonës së Kamerunit dhe goditje me kokë e Pavlovic, që shënon në portën e Kamerunit.
dia
Kamerun-Serbi 1-2, Sergej Milinković-Savić kalon serbët në avantazh në 45+3′
45+3′ – Milinkovic Savic përmbys gjithçka. Shënon dhe e dërgon Serbinë me avantazhin 2-1 në dhomat e zhveshjes, në fund të pjesës së parë.
Discussion about this post