Guardia di Finanza në Itali ka zbuluar një sasi prej rreth 75 mijë veshjesh me etiketë “Made in Italy” në Venezia. Ato kanë rezultuar të prodhuara jashtë vendit në një skemë mashtrimi me vlerë rreht 8 milionë euro.
Në kuadër të këtij operacioni një kamion që vinte nga Bullgaria dhe mbante një sasi të madhe veshjesh me shkrimin “MADE IN ITALY”, me flamurin italian apo me etiketën “FINEST ITALIAN FABRICS” u ndalua pasi u vërtetua origjina dhe deklinacioni i tij.
Hetimet e mëtejshme bënë të mundur konstatimin se fazat e përpunimit, prodhimit dhe paketimit të veshjeve të etiketuara “Made in Italy” ndodhte ekskluzivisht jashtë vendit. Raportohet se veshjet prodhoheshin dhe paketoheshin në Bullgari, Shqipëri dhe Tunizi, për t’u importuar më pas në Itali nga kompania me qendër në Brescia.
Discussion about this post