Në puntatën e kaluar të programit “Zemër Luana” një nga të ftuarit ishte dhe këngëtarja Big Mama. Asaj iu kërkua që të përmende një emër të një prej artistëve shqiptarë, të cilin nuk e duron dot.
Fillimisht Big Mama refuzoi të thoshte një emer e më pas u shpreh se Antonela Berisha është personazhi që nuk e duron dot, mirëpo nuk mund t’a cilësonte si artiste.
Nga ana tjetër Antonela ka bërë një reagim ditën e sotme pas zhurmës që u krijua.
Ajo e thumboi Big Mamën duke thënë se fjalët e saj vijnë nga negativiteti që mbart dhe se ka një sjellje të vonuar për moshën qe ka.
Ndërsa përsa i përket fjalës artist, Antonela ironizoi Big Mamën duke thënë se e vetmja kohë që ajo është ndjerë e tillë është qysh në pjesëmarrjen në “Top Fest 2005”.
“Gjithsesi asgje personale, unë e kam pëlqyer shumë këngën kot e kot (qoft për atëherë e qoft e xhenetit) dhe kam qenë edhe fanse që ta dini. Jepi Cezarit ca i takon Cezarit e Jezusit ca i takon Jezusit! Ti kot e kot xhelozon ne muaaaaaa“- përfundoi Antonela.
Mirëpo, ajo cka tërhoqi gjithashtu vëmendjen ishte fakti që Antonela u shpreh se nuk donte të jepte opinion për programe ku përdoret emri i saj për klikime dhe për grupe “na bashkoi urrejtja”, referuar pjesëtareve të tjerë në studio, si Luana Vjollca, Fifi, Bes Kallaku, Poni dhe Olsi Bylyku.
Discussion about this post