Në interpelancën e thirrur për çështjen e targave dhe marrëveshjen e arritur në Bruksel, kryeministri i Kosovës Albin Kurti tha se këto gjëra nuk mund të ndodhnin pa ngjarjet që u zhvilluan të hënën kur ishte në takim me presidentin e Serbisë, Aleksandar Vuçiç.
“Të mërkurën më 23 nëntor u arrit pikërisht ajo që mund të arrihej të hënën. Pra, pezullim i veprimeve të mëtejshme sa i përket targave. Në gjykimin dakordimi i së mërkurës nuk ishte i mundur pa zhvillimet e së hënës, sepse të hënën u panë shumë gjëra. E mbi të gjitha u pa braktisja e propozimit të BE-së pikërisht nga ndërmjetësit”.
Kurti përsëriti se takimi i së hënës nuk ishte i suksesshëm sepse nga fokusi i BE-së – te propozimi i BE-së, i mbështetur nga Franca, Gjermania e SHBA – u kalua vetëm te veprimet në lidhje me konvertimin e targave ilegale.
Duke thënë se propozimi i tij ishte shumë racional, Kurti tregoi se të hënën “ndodheshim fare pranë tij për të arritur një deklaratë të përbashkët që më pastaj do ta paraqiste Borrelli”.
Discussion about this post