Gjyqtarja Lindita Sinanaj e Gjykatës Administrative e Apelit u shkarkua sot nga Komisioni i Pavarur i Kualifikimit.
Trupa gjykuese, e përbërë nga Pamela Qirko, Lulzim Hamitaj dhe Suela Zhegu, vendosën shkarkimin ngga detyra të gjyqtares, pas problemeve të hasura me pasurinë. Komisioni i Pavarur i Kualfikimit veçoi si gjetje se gjyqtarja rezultonte me një bilanc negativ prej rreth 10.7 milion lekësh. Bilanci ishte kryesisht mbi mungesën e burimit të ligjshëm për 2 milionë lekë që ishin përdorur në blerjen e një apartamenti në vitin 2000 në Fier dhe rreth 80 mijë euro në një apartament në vitin 2012 në Tiranë.Lindita Sinanaj e ka filluar karrierën në sistemin e drejtësisë në vitin 1993 dhe ka punuar për më shumë se një dekadë si gjyqtare në Gjykatën e Fierit. Prej vitit 2013, Sinanaj e ushtron funksionin në Gjykatën Administrative të Apelit në Tiranë.
