Berisha: Call Centerat e këshilltarit të Xhaçkës pastrojnë të pista

Ish-kryeministri Sali Berisha ka hedhur akuza të rënda në drejtim të maxhorancës.

Berisha thekson se Call Centerat e këshilltarit të Olta Xhaçkës pastrojnë paratë e drogës, nga Ekuadori.

“Kuptoni çfarë bëjnë këta me call centerat e këshilltarit të Olta Xhaçkës, ministres strategjike. Ftojnë qytetarët evropianë, blini bitcoin, vendoseni në këtë aplikacion dhe ne do t’ua konsiderojmë 25% më shumë. Ka njerëz që besojnë, besojnë e blejnë. I vendosin në aplikacion. Këto janë call centerat e patronuara nga Olsi Rama.

Punonjësve u thuhej mos kini merak se qeveria nuk na trazon. Nga aplikacioni, bitcoin përfundon në kuletën digjitale të mafias, më pas kthehet në para kesh nga paratë e kokainës së Ekuadorit e kartelet e bobave të kokainës. Më pas përfundon në Emiratet e Bashkuara Arabe. E shikoni se çfarë cikli? Dhe këtu vijnë e kërkojnë të shesin apartamentet e arabëve”, tha Berisha.