Pas suksesit në balet, Klaudia Pepa po realizon një tjetër ëndërr të madhe të saj. Prej dy vitesh, ajo është angazhuar edhe në kinematografi si aktore. E duket se edhe në këtë fushë Klaudia po ia del të korrë sukses.
Ajo ka fituar çmimin si aktorja më e mirë e filmit “Lights off”. Balerina shqiptare e ka ndarë me ndjekësit e saj në Instagram këtë lajm të bukur duke shprehur të gjithë lumturinë që ndjen.
“Nuk mund ta kuptoni lumturinë time! Për hapat e mi të parë si aktore kjo është një kënaqësi e madhe. Faleminderit Best International Film Festival ( Rumani) për këtë çmim. Puna shpërblehet gjithmonë”, ka shkruar ajo.
“Light off” është një film me metrazh të shkurtër ku Klaudia është protagoniste si aktore e si balerinë. Ky film flet për kërcimin, ëndrrat, dashuritë dhe gabimet, duke prekur me delikatesë temën e rëndësishme të mosaftësimit pa rënë në klishetë e zakonshme. Një narracion intensiv, i aftë të rrëfejë guximin e ëndrrave dhe kompleksitetin e dashurisë.
Ne na vjen mirë që përveç se në kërcim, Klaudia po shkëlqen në një tjetër fushë siç është aktrimi. Një tjetër emër shqiptar që po prek suksese ndërkombëtare.
Discussion about this post