FOTO/ Ky është shqiptari që vrau të dashurën

Është publikuar fotoja e shqiptarit 25-vjeçar i cili vrau të dashurën e tij 19-vjeçare në Greqi.

Mediat greke shkruajnë se shqiptari është identifikuar si Qamil Taja dhe akuzohet se ka qëlluar për vdekje të dashurën e tij 19-vjeçare Krisjana Brakaj në zonën e Pireut, në Athinë.

Sipas mediave greke, në orët e para të mëngjesit çifti nga Shqipëria ishin duke u kthyer nga puna, por rrugës kanë nisur sërish përleshjet.

Burri, nën ndikimin e kokainës, ka nxjerrë armën dhe teksa 19-vjeçarja ishte në divan, e ka drejtuar me gisht, ka tërhequr këmbëzën dhe e ka qëlluar një herë në kokë. Më pas, ai ka marrë armën, e ka fshehur në frigorifer dhe ka shkuar i vetëm në Komisariat.

Aty i ka thënë me qetësi policisë: “Është koha të dorëzohem sepse kam vrarë partneren në banesë”. Policia ka shkuar në rrugën Vamva dhe brenda banesës ka gjetur 19-vjeçaren të pajetë në divan me një plumb në kokë dhe armën e krimit të groposur në frigorifer.

Sipas informacioneve, 24-vjeçari ishte i fiksuar dhe çmendurisht xheloz për partneren e tij. Vrasësi punonte në një lokal në Troumba dhe 19-vjeçarja punonte në një lokal nate në Kallithea.