Kryeministri grek Kyriakos Mitsotakis ka mbërritur në Tiranë në kuadër të samitit mes liderëve europianë e atyre të Ballkanit Perëndimor. Mitsotakis ka takuar kryeministrin e vendit Edi Rama.
Para mediave, ai tha për çështjen e detit se është bërë progres dhe duhet të gjejnë dakordësi për të firmosur një dokument për të dërguar çështjen në Hagë.
Përplasja mes Shqipërisë dhe Greqisë për detin?
Mitsotakis: Po diskutojmë dhe mendoj se kemi bërë progres gjatë ditëve të fundit. Duam të gjejmë dakordësi për të firmosur një dokument që do na mundësojë ta çojmë çështjen në Hagë.
Serbia dhe Kosova, sa e rëndësishme është të gjendet zgjidhje mes dy vendeve?
Mitsotakis: Gjithmonë e kemi inkurajuar dialogun, e kuptojmë kompleksitetin e çështjes, jemi të vetëdijshëm që kjo çështje të zgjidhet. Të dy palët duhet të bëjnë një hap pas. Pa u zgjidhur nuk bëhet progres në familjen e madhe të BE
Më herët, Kryeministri Mitsotakis kishte parashikuar edhe një vizitë në zonat e minoritetit grek në jug të Shqipërisë pas samitit të Tiranës, ditën e mërkurë. Por e përditshmja greke “Kathimerini” raporton sot se kjo vizitë është anuluar dhe do të zhvillohet në një datë tjetër të papërcaktuar.
Discussion about this post