Një lajm i pak ditëve më parë konfirmonte se Roza Lati do të ishte pjesë e edicionit të dytë të “Big Brother Albania”, teksa burime për mediat thonin se moderatorja kishte pranuar ftesën e produksionit për t’u futur në shtëpinë më të ndjekur në Shqipëri.
Megjithatë duket se lajmi nuk është i vërtetë dhe kjo ka ardhur nga vetë Roza, e cila ka reaguar nisur nga pyetjet që ndjekësit i kanë bërë në Instagram.
Kështu, duke “imituar” skenat e dhomë së rrëfimit në “Big Brother” deri në detaje, moderatorja tha se nuk ka marrë asnjë ftesë as nga Arbana Osmani, as nga produksioni dhe as nga Top Channel.
Lati tha se nuk do jetë pjesë e reality show-t se “ashtu janë ca arsye”, ndërsa u shpreh se nuk e di nga mediat e portalet i kanë marrë lajmet për këtë. Në fund ajo nuk harron të falenderojë edhe Arbanën, fiks siç ndodh edhe në spektakël, duke na dhënë edhe një ide se di do të ishte Roza brenda shtëpisë.
Discussion about this post