Karabinierët italianë kanë arrestuar një të ri me origjinë nga Shqipëria gjatë ditës së djeshme pas një kontrolli rutinë në lidhje me armëmbajtjet pa leje.
Operacioni u zhvillua në Ragusa të Siçilisë teksa gjatë kontrollit në banesë, karabinierët konstatuan se shqiptari po shfaqte sjellje të çuditshme.
Nga kontrolli atij iu gjet një pistoletë pa numër serial në të, e fshehur mirë në dyshekun e një krevati.
Pas gjetjes së armës pa leje, policia bëri arrestimin e shqiptarit të quajtur Genci Leçini, i cili do të akuzohet për armëmbajtje pa leje.
Policia është duke verifikuar edhe nëse arma është përdorur apo jo në ndonjë krim nisur edhe nga fakti se numrat serial të saj ishin fshirë, ç’ka tregon se dikush do të fshehë “të shkuarën” e saj.
Discussion about this post