Si sot 32 vite ndodhi një ndër tubimet më të mëdha të studentëve dhe të rinjve shqiptarë. Ata përmbysën regjimin komunist duke i hapur rrugën demokracisë dhe lirisë në vend. Ndërkohë Ambasada e SHBA në Tiranë ka dalë me një mesazh për këtë ditë të rëndësishme. Sipas institucionit diplomatik, të rinjtë duhet ta formësojnë vetë të ardhmen e vendit, dhe duhet të hedhin hapin tjetër drejt anëtarësimit në Bashkimin Europian.
REAGIMI I PLOTE
Ambasada e SHBA për ditën e rinisë
Sot, Shqipëria shënon Ditën Kombëtare të Rinisë. Vetëm 32 vite më parë, studentët dhe të rinjtë shqiptarë protestuan kundër njërit prej regjimeve komuniste më mizore të Europës, duke nisur rënien e tij dhe duke u bërë protagonistë të një momenti shumë të rëndësishëm në historinë e Shqipërisë. Më 8 dhjetor, ne ndërojmë guximin e atyre studentëve që kërkuan ndryshime politike dhe demokraci për vendin e tyre. Të rinjtë sot vazhdojnë të formësojnë të ardhmen e vendit dhe Shtetet e Bashkuara qëndrojnë krah për krah me popullin shqiptar ndërsa ju hidhni hapin tjetër të rrugëtimit tuaj demokratik drejt anëtarësimit në Bashkimin Europian.
Discussion about this post