Pas eleminimit të Anglisë dje nga Kupa e Botës pas humbjes me Francën, ka folur edhe Harry Kane. Sulmuesi i “Tre Luanëve” nuk e ka fshehur zemërimin dhe zhgënjmin, sidomos për humbjen e penalltisë që do ta kishte dërguar rezultatin në shifrat 2 me 2, duke marrë përsipër dhe përgjegjësinë.
Ai u shpreh se është absolutisht i shkatërruar, pasi ekipi dha gjithçka dhe në fund çdo gjë u var në një moment. Në minutën e 84-të të sfidës ndaj ‘gjelave’ të Deschamps Kane pati rastin e artë për të çuar Anglinë në kohën shtesë, pasi vetëm 30 minuta më parë Kane kishte mposhtur Lloris nga pika e 11-metërshit. Megjithatë në penalltinë e dytë fati ishte në anën e francezëve pasi Kane e dërgoi topin shumë larg kuadratit duke shuar shpresat e miliona tifozëve anglezë dhe duke i dhënë fund rrugëtimit të “3 luanëve” në Katar.
Discussion about this post