Votimet për balotazhin e Primareve në PD, pjesëmarrja e votuesve

Sot po zhvillohen votimet për balotazh për Primaret e Partisë Demokratike në 5 Bashki.

Sipas një njoftimi për mediat të zyrës së shtypit në PD, gjithçka po shkon normalisht.

Komisioni i Organizimit dhe Kontrollit të Operacioneve Elektorale të Partisë Demokratike njofton se votimet për balotazh për Primaret në 5 Bashki po shkon normalisht.

Pjesëmarrja deri në orën 15.00 është si më poshtë vijon:

1. Mirditë:  506 votues

2. Dibër:  850 votues

3. Mat:  615 votues

4. Librazhd:  500 votues

5. Fier 750 votues

Procesi i votimit mbyllet në orën 18.00, por degët janë udhëzuar nga KOKOE që të vijojnë nëse ka ende në rradhë anëtarë apo simpatizantë në Qendrat e Votimit.

Komisioni i Organizimit dhe Kontrollit të Operacioneve Elektorale fton të gjithë anëtarët e simpatizantët e degëve të mësipërme qe ende s’kanë votuar, të bëhen pjesë e këtij procesi të rëndësishëm të PD e me votë të zgjedhin kandidatin e PD për Bashki.