Teksa veriu i Kosovës po përjeton tensione, me barrikadat nga serbët dhe disa incidente të regjistruara, deputeti Ervin Salianji kërkoi sot në Komisionin e Sigurisë që të reagohet nga Shqipëria dhe madje edhe të merren masa.
I ftuar në “Ora News”, ai thotë se situata është delikate dhe se Parlamenti shqiptar dhe qeveria shqiptare kanë detyrimin të jenë në krah.
Deklarata
“Situata në Kosovë është delikate, gjuha agresive e përdorur nga kryeministri dhe presidenti i Serbisë Vuçiç, vëllai i Ramës në kuptimin metaforik, nxitja që i bën po ashtu Putini këtij konflikti me deklarata e bën situatën delikate. Të gjithë institucionet ndërkombëtare janë shprehur ashtu si institucionet e Kosovës e kanë reagimin e duhur.
Parlamenti shqiptar dhe qeveria shqiptare ka detyrimin të jetë në krah. Dëgjova kryeministrin që tha sot se qeveria e Kosovës i ka të gjithë institucionet legjitime. Padiskutim por në kushtet kur nuk po respektohen këto institucione nga qeveria e Serbisë, qeveria e Shqipërisë dhe parlamenti shqiptar e ka dhe në preambulën e Kushtetutës së vet mbrojtjen e qytetarëve shqiptarë, bashkombasve tanë kudo që të jenë.
Ka detyrimin për të reaguar për më tepër kur kemi pasur shqetësime për moskordinimin dhe mosndarjen e informacioneve nga institucionet e sigurisë. Pavarësisht se një pjesë e PS nuk ishin dakord, ne kemi numrat tanë si opozitë dhe do kërkojmë informacion të plotë nga shërbimet inteligjente të Shqipërisë dhe ministri i Mbrojtjes për të pasur informacion të plotë ku është Shqipëria”, tha Salianji.
Salianji thekson se Qeveria e Shqipërisë, shteti shqiptar dhe gjithë klasa politike duhet të jetë e dakordësuar për çfarëdo lloj skenari që mund të ndodhë.
Salianji: Kështu ndodhen ngjarjet, të paralajmëruara në Ukrainë. Nuk jemi në të njëjtat kushte por qeveria shqiptare nuk duhet të rrijë larg duke i dhënë bonus Vuçiç.
Pyetjes nëse po bëhet politikë me Kosovën, deputeti demokrat i jep këtë përgjigje:
Salianji: Interesi kombëtar nuk është çështje e politikës e ditës, nuk bëhet për vota se nuk votohemi në Kosovë. Por është në interes kombëtar që ne të vendosim në ullinë e duhur gjithë politikën e jashtme të Shqipërisë, Shqipëria duhet të shohë Serbinë me sytë e Kosovës.
Salianji tha në Komision se nga konstatimet e inteligjencës kosovare, vonohen shkëmbimet e informacioneve nga ana e palës shqiptare.
Ai kërkoi që në Komision të jenë të pranishëm përfaqësues të SHISH apo dhe Ministri i Mbrojtjes.
Discussion about this post