Gjyqtarja Mimoza Margjeka u dënua me 4 vite e 6 muaj burg, por dënimi iu konvertua me 3 vite shërbim prove. Në një komunikim për mediat, Margjeka ka reaguar ashpër duke theksuar se është mafia në pushtet.
“Njerëzit me karakter do pakësohen. Do t’i keni gjithmonë e më pak. Jo se më humb shpresa me mua, por i humb njerëzve. Edhe ju që jeni këtu. Përse qenka kaq problem rasti im. Aty nuk ka dosje. Moza Margjeka, as është marrë, as ka dhënë. Është mafia në fuqi. Të mos ta çojmë më shumë, unë jo se kam mbështetjen e dikujt. Është mafia në pushtet, mos doni të më varni me vdekje. Njerëzit ta shijojnë”, ka deklaruar ajo.
Bashkëshorti i saj Arben Cara dënohet me 4 vite burg, avokati Skender Demiraj 3 vjet shërbim prove, Klaudio Zhilla me 3 vjet burg, ndërsa Nejton Bali është dënuar në 2 vite e 4 muaj shërbim prove.
Të pandehurit Nejton Bali, Klaudjo Zhilla dhe Skënder Demiraj, akuzoheshin se në bashkëpunim me njëri tjetrin, i dhanë Mimoza Margjekës, ndërkohë që ushtronte funksionet në Gjykatën e Apelit Korçë, nëpërmjet bashkëshortit të saj, Arben Cara, një shumë parash prej 6 000 (gjashtë mijë) eurosh, si përfitim të paligjshëm.
Discussion about this post