Kryetari i bashkisë Tepelenë, Tërmet Peçi, shkel gazin në fund të mandatit duke hedhur miliona lekë për matësa uji në pallate. Tenderi është publikuar me datë 12 dhjetor 2022, në Agjencinë e Prokurimeve Publike, me objekt “Furnizim dhe vendosje matësish uji në pallatet me kolonë të brendshme”. Sipas të dhënave, Bashkia Tepelenë do të shpenzojë 12 244 051 lekë. Kaq ka qenë oferta e kompanisë fituese! Siç del nga dokumenti, mes 4 ofertave, Peçi ka shpallur fituese kompaninë “NG STRUCTURE” me pronar Hekuran Hoxhën. 120 milionë lekë për disa matës janë shumë para!
Këtë gjë e donte vetë Peçi. Pasi ofertat e tjera kanë qenë më të leverdisshme, 3 milionë më lirë. E megjithatë, u pranua oferta më të shtrenjtë, 12 milionë lekë (të reja). Përveç faktit që tani do t’u rritet taksa e ujit. Banorët e Tepelenës duhet të paguajnë dhe aferat që zhvillon kryetari.
Këto shpërdorime, bëhen ndërkohë që mungojnë investimet për cilësinë e ujit dhe furnizimin me kohë të plotë. Kujtojmë se, një vit më parë moti i keq shkaktoi probleme në furnizimin më ujë në Tepelenë. Tubacioni që furnizon qytetin me ujë të pijshëm kishte shpërthyer duke treguar amortizimin e lartë. Por, Peçi tani në muajt e fundit të mandatit mendon të sigurojë ca para “cash” nga matësit, nuk ka kohë për investime.
Lexo edhe: Disa zona në Tepelenë pa drita, ja arsyeja
Discussion about this post