Reshjet e shiut kanë sjellë një mori problemesh në qarkullimin e mjeteve, banorëve dhe sektorin e Bujqësisë në Kukës. Gjithashtu, për pasojë janë evienduar rënie gurësh dhe rrëshqitje dherash.
Ujërat kanë vërshuar edhe në rrugët e njësive administrative në Shtiqën e Bicaj. Ujërat kanë dalë në sipërfaqe të rrugëve.
Ndërkohë 7 shtëpi të lagjes Kënetë, 5 km larg qytetit të Kukësit janë bllokuar për shkak të rrëshqitjes së dherave në rrugë dhe dëmtimit të trasesë së rrugës nga vërshimi i ujërave duke krijuar kanale.
Ndërkohë nga mungesa e kolektorëve ujërat e aeroportit të Kukësit kanë shkaktuar përmbytje të sipërfaqeve të konsiderueshme të tokave bujqësore në fushën e Shtiqnit. Dëmet janë evidente në kulturën e grurit dhe jonxhës.
Discussion about this post