Gjykata e Lartë në Britaninë e Madhe ka vlerësuar të ligjshëm planin e qeverisë për dëbimin e emigrantëve të paligjshëm drejt Ruandës, përfshirë këtu edhe shqiptarët.
Vendimi vjen gjashtë muaj pasi fluturimi i parë i planifikuar për në kombin afrikan, u anulua pas sfidave ligjore dhe kritikave të përhapura ndaj politikës.
Por ditën e sotme, Gjykata e Lartë i dha fund diskutimeve dhe Lordi i drejtësisë Lewis tha se politika e diskutueshme e paraqitur nën Boris Johnson ishte “në përputhje me konventën e refugjatëve”.
Megjithatë, ai tha se sekretari i brendshëm duhet të shikojë “rrethanat e veçanta” të njerëzve përpara se t’i dëbojë ata.
Dhe ai vendosi se për tetë personat e parë që ishin caktuar të dërgoheshin në vendin afrikan nuk ishin marrë parasysh rrethanat e tyre “si duhet” nga personi në atë kohë në post, Priti Patel.
Qeveria njoftoi politikën e saj të Ruandës në prill, e cila do të shihte disa azilkërkues që kishin arritur në Mbretërinë e Bashkuar nëpërmjet kalimeve të Kanalit me varka të vogla, të deportoheshin në vendin e Afrikës Qendrore, ku atje edhe do të “përpunoheshin” rastet e tyre.
Sekretarja e atëhershme e Brendshme, Priti Patel, tha se do të ndihmonte në pengimin e njerëzve nga udhëtimi i rrezikshëm, por aktivistët e të drejtave të njeriut, bamirësitë dhe partitë opozitare e dënuan planin si çnjerëzor.
Demonstruesit në një qendër largimi në Gatwick protestojnë kundër planeve për të dërguar emigrantë në Ruandë.
Fluturimi i parë ishte caktuar të nisej në qershor me katër persona në bord, por u ndalua pas një sërë sfidash ligjore, me Gjykatën Evropiane të të Drejtave të Njeriut që vendosi se plani përmbante “një rrezik real të dëmtimit të pakthyeshëm”.
Discussion about this post