Kryeministri Edi Rama ka folur për shembjen e pallateve në rrugën “Myslym Keta”, në kryeqytet.
Rama tha sot gjatë një aktiviteti, se pallati ishte një ngrehinë e rrezikshme për të gjithë banorët, ndërsa kreu i qeverisë nuk kurseu kritikat as për opozitën. Për vonesën e rindërtimit, Rama e kishte një justifikim duke i vendosur fajin gjykatave, opozitës, ankimimeve dhe denoncimeve të bëra nga banorët e zonës.
Deklarata
“Më vjen keq që nuk kemi mundur t’i bëjmë të gjitha me të njëjtën shpejtësi. Më vjen keq që jemi me vonesë në Kombinat, për shkak të pengesave të panumërta që na kanë dalë përpara, që kanë të bëjnë me pronësinë, me ankimimet, me të gjithë fushatën e shpifjes, që kanë të bëjnë me denoncimet e bëra në prokurori pa asnjë të drejtë. Tjetër është të kërkosh një lagje krejt të re në një lagje të Tiranës, ku ka shumë interesa. Dhe në fund fjalët do t’i marrë era dhe baltën e hedhur do ta marrin shirat.
Ai pallat bën mu që është një ngrehinë e rrezikshme. Që me një goditje të matrapikut binte dy kate përnjëherë, ndërkohë që të gjithëve atyre u jepet bonusi i qirasë dhe u thuhet bujrum, kur të ndërtohen apartamentet e reja do merrni një apartament. Tani çfarë duhet të bëjë bashkia apo qeveria? Se kush i del për zot njerëzve në këtë vend ne e kemi treguar me prova. Ashtu siç kemi dhënë provat në këtë proces rindërtimi se tek shqiptarët në hall nuk shohim majtas apo djathtas, por shohim drejt e në sy secilin që gjithkush të marrë atë që i takon”, tha Rama.
Discussion about this post