Policia e Lezhës ka njoftuar se ka zbardhur me prova dhunimin e drejtorit të OSHEE në këtë qytet, Edmir Perndreca. Dy të rinj janë vënë në pranga. Ata janë Leonard Pepa dhe Sebastiano Malotaj, të dy nga 27 vjeç.
Ata akuzohen për goditje për shkak të detyrës dhe plagosje të rëndë me dashje. Ngjarja e rëndë ndodhi më 30 Nëntor.
Sipas policisë, Pepa dhe Malotaj fillimisht kanë përplasur dhe dëmtuar makinën e Perndrecës gjatë kohës që ky lëvizte. Më pas ata e kanë dhunuar drejtorin dhe i kanë shkaktuar atij dëmtime fizike.
Uniformat blu kanë sekuestruar makinën e përdorur nga dy autorët për kryerjen e kësaj ngjarjeje. Policia thotë se vijon puna për identifikimin dhe kapjen e personave të tjerë të përfshirë.
Discussion about this post