Rikthehet pandemia? Shefi i OBSH-së: Jemi shumë të shqetësuar

Shefi i Organizatës Botërore të Shëndetësisë, Tedros Adhanom tha se ishte shumë i shqetësuar nga vala e paprecedentë e Covid 19 në Kinë.

Përmes një konferencë për shtyp, Adhanom tha se OBSH-së i duhet një informacion më i detajuar mbi ashpërsinë e sëmundjes dhe pranimet në spital.

“OBSH është shumë e shqetësuar për zhvillimin e situatës në Kinë. Për të kryer një vlerësim të plotë të rrezikut të situatës, OBSH-së i duhet informacion më i detajuar mbi ashpërsinë e sëmundjes, pranimet në spital dhe nevojat e njësisë së kujdesit intensive”, tha ai.