Mbrëmë nata e tretë e Festivalit të Këngës iu dedikua historisë së evenimentit më të madh muzikor në vend. Në skenë u rikthyen duete me disa prej këngëve ikonike ndër vite. Artistë shumë të dashur si Luan Zhegu, Aleksandër Gjoka Eranda Libohova, Valentin Markvukaj, Josif Gjipali, Bojken Lako, Redon Makashi, Altin Goci, etj u ngjitën edhe njëherë në skenën e festivalit kombëtar, në një duet me konkurrentët e këtij edicionitpër të kënduar hitet e tyre.
Mirëpo një emër ka munguar!
Gazetari Andi Vrapi ka publikuar në Instastory një bisedë në Ëhatsapp me moderatoren Aulona Musta e cila rikujtonte disa nga këngët e Aurela Gaçes dhe kërkonte të dinte se pse ajo nuk ishte e pranishme. Duke ri-postuar këtë bisedë, vetë Aurela ka sqaruar çdo gjë. Ndër të tjera artistja tregon se e ka marrë ftesën nga Festivali por për shkak të angazhimeve të saj nuk mundi të ishte e pranishme.
“Në siglat promovuese të festivalit, asnjë video e këtyre këngëve nuk ishte. Paçka se Aulona thotë se këto këngë janë…Pse asnjë prej këngëve për 3 sekonda nuk ishte pjesë e promos? Në fakt, ftesa ishte për të marrë pjesë. Fakti që nuk munda të jem në skenë, mbase bëri të më fshijnë edhe nga vio promovuese. Më thanë që më duan, por në momentin që unë nuk kam mundësi të shfaqem, prej angazhimeve sigurisht, ndodh të të fshihet edhe historia, me shumë dashuri”, ka shkruar këngëtarja.
Discussion about this post