Turiste të huaja femra që qëndronin në hotele në Rodos u vunë në shënjestër të një 37-vjeçari shqiptar, i cili u ngjit në ballkonet e dhomave të tyre dhe u vodhi gjithçka që gjente.
Veprimet e tij u zbuluan nga një gjurmë gishti e gjetur në parmakët e ballkonit të dhomës ku qëndronte një shtetase islandeze.
Gruaja ka raportuar më 20 qershor se një person i panjohur ka hipur në ballkonin e dhomës së saj, ka thyer një dritare dhe i ka vjedhur 20 euro nga çanta.
Në atë kohë Shërbimi Kriminal kishte identifikuar gjurmën e gishtit dhe nga hetimi rezultoi se ajo i përkiste 37-vjeçarit, i cili ishte i shënuar për vjedhje me një metodë të ngjashme.
Në kuadër të hetimeve paraprake u konstatua se në orët e para të 25 qershorit, shqiptari kishte përfituar nga mungesa e shkurtër e një turisteje suedeze, e cila po notonte në plazhin Miaoulis në Rodos dhe i kishte rrëmbyer iPhone e saj me vlerë 1500 euro nga çanta.
Policia e sigurisë ka krijuar një dosje për autorin për dy vjedhjet dhe e ka dorëzuar në Prokurorinë e Rrethit Rodos.
Të dhënat e identitetit të tij dolën nga hetimet e kryera në lidhje me vjedhjen në një dyqan rrobash në Katerini, mëngjesin e së dielës, ku autori goditi me shkelma xhamin dhe rrëmbeu nga kasa 249 euro.
Ndaj tij është ngritur një dosje për vjedhje dhe dëmtim të pasurisë së huaj, e cila i është dorëzuar prokurorit të Protodiki Katerinis.
Discussion about this post