18-vjeçari përplas për vdekje punonjësin e pastrimit në Durrës

Një aksident i rëndë është regjistruar mëngjesin e sotëm te “Shkëmbi i Kavajës” ku një 50-vjeçar ka humbur jetën pasi u përplas nga një 18 vjeçar.

Sipas njoftimit të policisë, aksidenti ka ndodhur në orët e para të mëngjesit, kur i riu me iniciale B. H., 18 vjeç, ka humbur kontrollin mbi drejtimin e automjetit, dhe për pasojë automjeti është përplasur me ambientet e jashtme të një hoteli.

Si pasojë e përplasjes, ka humbur jetën B. B., rreth 50 vjeç (punonjës pastrimi dhe gjelbërimi), i cili në momentin e përplasjes, ishte duke pastruar.

Gjithashtu, nga përplasja janë dëmtuar pasagjeret F. D., 20 vjeçe dhe L. P., 20 vjeçe, të cilat ndodhen nën kujdesin e mjekëve. Drejtuesi i automjetit, është shoqëruar në Komisariatin e Policisë, për veprime të mëtejshme.

Grupi hetimor vijon punën për sqarimin e rrethanave të aksidentit.