Gazetari investigativ Artan Hoxha në emisionin Të Paekzpozuarit në MCN TV ka folur lidhur me ngjarjet më të bujshme të vitit 2022, ku veçoi vrasjen e Ervis Martinajt dhe atentatin e Nuredin Dumanit.
Ai tha se se këto dy ngjarje janë të lidhura me njëra-tjetrën, ndërsa theksoi se këto ngjarje janë një vijë demarkacioni që ndajnë evolimin e krimit të organizuar në Shqipëri. Sipas tij, këto janë dy ngjarjet kryesore të rëndësishme të këtij viti dhe besoj se për një kohë të gjatë do vazhdojmë të flasim për to.
Deklarata
“Të gjitha vrasjet janë vrasje dhe janë shumë të rënda. Ka dy lloje vlerësimesh pastaj mund të jenë të bujshme për shkak të personazhit që vritet dhe të zhurmshme për shkak të zhurmës që bën media. Besoj se ngjarja më se inflative e këtij viti është ajo e 9 gushtit e cila kulmoi si një seri ngjarjes që ndodhën pas saj, si ajo që njihet masakra e Fushë Krujës dhe ajo e Milotit dhe 9 gusht me zhdukjen e Ervis Martinaj, padyshim që ajo mbetet për mua, sepse unë mendoj se Ervis Martinaj është rrëmbyer dhe ekzekutuar dhe për mua kjo është ngjarja më e bujshme e vitit sepse po të shohësh pastaj nuk pati më ngjarje.
Për mua ajo ngjarje është një vijë demarkacioni që ndan evolimin e krimit të organizuar në Shqipëri nga një dekadë në tjetrën. Martinaj ndryshe nga shumë personazhe të tjerë të botës së krimit erdhi nga biznesi, ai kur u fut në aktivitete kriminale ishte i pasur, nuk i mungonin të ardhurat.
Një tjetër ngjarje e rëndësishme për mua e cila nuk kulmoi me vrasje është ajo e atentatit të Nuredin Dumanit. Këto janë të lidhura sepse nëse do ishte vrarë Dumani s’do ishte vrarë Vis Martini dhe për mua këto janë të lidhura me njëra tjetrën. Këto janë dy ngjarjet kryesore të rëndësishme të këtij viti dhe besoj se për një kohë të gjatë do vazhdojmë të flasim për këto ngjarje”, tha ai.
Discussion about this post