Policia në Tiranë ka proceduar punonjës të shtetit që vendosnin shenja dalluese të institucionit ku punojnë në automjete.
Policia njofton se në dy ditët e fundit janë verifikuar një numër i konsiderueshëm mjetesh si dhe janë proceduar disa drejtues automjetesh që kishin vendosur sisteme shtesë pamore, në kundërshtim me ligjin.
Gjithashtu, njoftohet se janë proceduar penalisht katër drejtues mjetesh pasi janë kapur në kushtet e flagrancës dhe janë shoqëruar për veprime të tjera hetimore për veprën penale të parashikuar nga neni 247 i Kodit Penal.
NJOFTIMI
Ne vijim te kontrollit te territorit rrugoret e kryeqytetit krahas detyrave me karakter parandalues kane ndjekur me perparesi planin e veprimit per verifikimin e te gjithe automjeteve qe perdorin simbole apo shenja dalluese qe tregojne cilesine e nje punonjesi shteteror apo sherbimi publik si dhe ato me sisteme shtese pamore e zanore qe perdoren ne menyre abuzive dhe ne kundershtim me dispozitat e percaktuara ne Ligj.
Ne funksion te kontrolleve, dy ditet e fundit jane verifikuar nje numer i konsiderueshem mjetesh, si dhe jane proceduar disa drejtues automjetesh, te cilet kishin vendosur sisteme shtese pamore ne kundershtim me dispozitat e parashikuara ne nenin 175 te Ligjit Nr.8378, date 22.07.1998, “ Kodi Rrugor i Republikes se Shqiperise”, i ndryshuar, shkelje per te cilat u jane pezulluar edhe lejet e drejtimit sipas afateve te parashikuara ne Ligj.
Gjithashtu jane proceduar penalisht 4 drejtues mjetesh pasi jane kapur ne kushtet e flagrances dhe jane shoqeruar per veprime te tjera hetimore per vepren penale te parashikuar nga neni 247 i Kodit Penal.
