Kryetari i PD, Sali Berisha duke bërë një bilanc të vitit që po lëmë pas, deklaron se 2022 do të skalitet në muret e kohës si viti i opozitës shqiptare.
Në konferencën e përjavshme me gazetarët, Berisha hodhi akuza ndaj qeverisë dhe ambasadores së SHBA në Tiranë Yuri Kim, që sipas tij tentuan të diktojnë kryetarin e opozitës. Sipas tij, u përdorën të gjitha mjetet për të gjunjëzuar opozitën.
“Nuk mund të mbyllja vitin pa paraqitur një bilanc të vitit që lëmë pas në vlerësimin e PD-së dhe timin. Në këtë kontekst, viti 2022 do të skalitet në muret e kohës si viti i opozitës shqiptare, të PD për të qëndruar si një opozitë e vërtetë u përdorën të gjitha mjetet e paligjshme, kundër kësaj opozite me qëllimin e vetëm që ta mbanin atë një patri simotër të krimit në pushtet.
Edi Rama përdori drejtësinë me qëllimin e vetëm që të gjunjëzonte opozitën. Përdori bandat, forma nga më të turpshme të korrupsionit gjer dhe sulmet fizike të paprecedentë ndonjëherë në historinë e këtij vendi me qëllimin me ogurzi të zhdukjes së opozitës. Në këtë përpjekje do të nxë në historinë e turpit qëndrimi i ambasadores së SHBA, e cila në një akt madhor korruptiv kishte mashtruar qeverinë e vet për korrupsionin imagjinar të Sali Berishës. Bëri gjithçka ti diktojë opozitës kryetarin e saj. Përdori abuzoi dhe shpërdori duke shkelur çdo ligj, çdo konventë ndërkombëtare për ti diktuar opozitës kryetarin.
Por ky është viti i opozitës pasi asgjë nuk mposhti dot idealet e demokratëve. Ato u ngritën fuqishëm kundër armikut të egër të votës së lirë, kundër atyre që përdorën korrupsionin për të luftuar anti-korrupsionin në Shqipëri. Të bashkuar tek idealet e të vërtetës dhe të lirisë, qytetarët shqiptar opozitar qendruan. Këtë vit u faktuar kombit dhe botës se Shqipëria ka një opozitë më të fuqishme se kurrë më të vërtetë se kurrë”, u shpreh Berisha.
Discussion about this post